Mae’r chwiorydd Katy ac Emma o Frynaman, ar gyrion Bannau Brycheiniog, wedi gosod tasg bron yn amhosibl iddyn nhw eu hunain. Maen nhw eisiau trefnu gêm bêl-droed elusennol rhwng sêr Cymru a sêr Lloegr. Mae’n rhaid iddyn nhw ddod o hyd i leoliad, recriwtio enwogion i chwarae, dod o hyd i ddau reolwr enwog heb sôn am y ffaith bod angen iddyn nhw werthu miloedd o docynnau. Yr unig broblem yw nad yw’r naill na’r llall ohonyn nhw’n gwybod dim am bêl-droed!