Mae Stifyn Parri yn cychwyn ar daith bersonol, gan edrych ar un o’r penodau anoddaf yn ein hanes diweddar. Mewn rhaglen bwerus, mae’n olrhain hanes Cymal 28 – un o’r cyfreithiau homoffobig cyntaf mewn canrif. Ym 1988, roedd Stifyn ei hun ar flaen y gad yn y frwydr yn erbyn y gyfraith. Roedd yn brofiad a newidiodd ei fywyd am byth. Bydd Stifyn yn clywed atgofion pobl eraill o’r cyfnod, ac yn gofyn a yw cymdeithas wedi newid 20 mlynedd ers ei diddymu.